ഒരു ദിവസം ലീവെടുക്കണം
പകലന്തിയോളം കിടന്നുറങ്ങണം
കാണാൻ മറന്ന കിനാവുകൾ കാണണം
ഒരു ദിവസമങ്ങനെ വെറുതെ കളയണം
ഒരു ദിവസം ലീവെടുക്കണം
പാത്തിക്കലിൽ പോയി മീൻ പിടിക്കണം
ചൂണ്ട രണ്ടെണ്ണം കൈയ്യിൽ കരുതണം
മത്തിയും കൊഞ്ചും തരം പോലെ കോർക്കണം
ഇടക്ക് ദാഹം മാറ്റാൻ ഷാപ്പിൽ കയറണം
ഏട്ടയൊന്ന് കിട്ടിയാൽ ഭാഗ്യമെന്നു കരുതണം
ഒരു ദിവസം ലീവെടുക്കണം
പൂട്ടിയ മേശവലിപ്പു തുറക്കണം
ബാല്യ കൗമാരങ്ങളിലേക്കൂളിയിട്ടിറങ്ങണം
ഒളിപ്പിച്ച മയിൽപീലി പെറ്റോന്ന് നോക്കണം
നഷ്ട പ്രണയത്തിന്റെ നോവേറ്റു നീറണം
അർത്ഥമില്ലാത്തതിന്റെ നാനാർത്ഥം തേടണം
ഒരു ദിവസം ലീവെടുക്കണം
പഴയ ദിനസരിക്കുറിപ്പുകൾ മറിക്കണം
ഓരോന്ന് വായിച്ച് ഊറിച്ചിരിക്കണം
ഇടക്ക് എന്തിനെന്നറിയാതെ കണ്ണ് നിറയണം
ഒടുവിൽ മടക്കി വെക്കുമ്പോൾ മനസ്സ് നിറയണം
Friday, January 22, 2021
ഒരു ദിവസം ലീവെടുക്കണം
Subscribe to:
Posts (Atom)