Wednesday, March 13, 2013

കഥ തുടരുന്നു ...... !!



പനിമതി വിടചൊല്ലിയകന്നു
പൊന്‍പ്രഭാതം വിടര്‍ന്നു
പ്രപഞ്ച നാടക വേദികയില്‍
വീണ്ടും തിരശ്ശീലയുയര്‍ന്നു

വസന്തം വിടര്‍ന്നു പൂക്കളിലെല്ലാം
പ്രണയ സൗരഭം പടര്‍ന്നു
പ്രപഞ്ച സൌന്ദര്യ പൊന്‍പ്രഭയോരോ
പുല്‍ക്കൊടിമേലും തെളിഞ്ഞു

നിറങ്ങള്‍ ചാലിച്ച സന്ധ്യയിലെല്ലാം
വിരഹ നൊമ്പരം തുളുമ്പി
വിടപറയാനായ് ഒരുങ്ങി നില്കവേ
സൂര്യബിംബവും തേങ്ങി ...... !!


Friday, February 15, 2013

സുകൃതം















മഴപെയ്തു തോര്‍ന്നൊരു രാത്രിയില്‍
വ്യര്‍ത്ഥമാം  ജീവന്റെ താളുകള്‍ മറിക്കവേ
ഒരു കുളിര്‍ത്തെന്നലായ് വരികയെന്‍ ചാരത്ത്
കനിവോലുമാ പഴയ താരാട്ടുമായ്
പകരുക നീയാ ജീവാമൃതധാര
മറക്കട്ടെ ഞാനെന്റെ കയ്പ്പും ചവര്‍പ്പും